Aktibong nakiisa ang mga tauhan ng Regional Police Community Affairs and Development Unit ng NCR sa isinagawang Clean-Up Drive sa Northville 2, Bignay, Valenzuela City nito lamang umaga ng Sabado, Pebrero 3, 2024.
Ang aktibidad ay personal na nilahukan ni Police Colonel Romy I Palgue, Chief, RCADD, NCRPO kasama ang RPCADU NCR at iba pang kapulisan ng Valenzuela City.
Kasama nila ang Advocacy Support Groups sa paglilinis ng paligid ng ilog kung saan madaming solid waste at iba pang basura ang kanilang nalikom sa paglilinis.
Ang layunin ng “Kalinisan para sa Bagong Pilipinas” ay lumikha ng mas malusog at ligtas na kapaligiran para sa lahat at para sa isang malinis at maayos na komunidad.
Malaking tulong ang gawaing ito upang mapanatiling maganda ang ating kapaligiran at maipakita sa publiko ang magandang resulta ng pagkakaisa ng bawat indibidwal para sa isang hangaring mapanatili ang kaayusan sa ating lipunan.
Panulat ni PSSg Remelin M Gargantos
