Sultan Kudarat – Arestado ng mga tauhan ng Tacurong City Police Station ang tinaguriang Top 2 Provincial Most Wanted Person sa Purok Silao, Brgy. EJC Montilla, Tacurong City, Sultan Kudarat nito lamang Enero 30, 2024.
Kinilala ni Police Brigadier General Jimili Macaraeg, Regional Director ng Police Regional Office 12, ang suspek na si alyas “Tol Kim”, 23, binata, at residente ng Purok Silangan, Brgy. Katungal, Tacurong City.
Inaaresto si Kim matapos isilbi ng mga operatiba ng Tacurong City Police Station, Regional Special Operations Group 12 at SKPFU CIDG 12 ang arrest warrant laban sa kanya para sa kasong Statutory Rape na walang rekomendadong pyansa.
Ang Sultan Kudarat PNP ay patuloy na pagpapaigting ang kampanya kontra kriminalidad para makamit ang isang maayos, mapayapa, at maunlad na bansa.
Panulat ni Patrolwoman Flora Mae Asarez
