Zamboanga del Sur – Timbog ang Top 7 Regional Most Wanted Person sa kasong 4 Counts of Statutory Rape sa ikinasang operasyon ng mga awtoridad sa Brgy. Banale, Pagadian City, Zamboanga del Sur nito lamang ika-28 ng Enero 2024.
Kinilala ni Police Lieutenant Colonel Sandro Santillan, Provincial Director ng Criminal Investigation and Detection Group (CIDG) Maguindanao Provincial Field Unit, ang suspek na si alyas “Alex”, 47, construction worker na residente ng Zone 1, PC Hill, Brgy. Rosario Heights 1, Cotabato City.
Ayon sa ulat, naging matagumpay ang operasyon dahil sa pinagsanib na pwersa ng Criminal Investigation and Detection Group Maguindanao PFU (Lead Unit), CIDG Cotabato CFU, Regional Field Unit BAR RSOT, Cotabato City Police Station 1, CIT RIU 15, Regional Intelligence Division PRO BAR, at Cotabato City Intelligence Unit na may koordinasyon sa Pagadian City Police Station.
Ang suspek ay may Warrant of Arrest sa kasong 4 Counts of Statutory Rape na walang inirekomendang piyansa.
Patuloy ang Pambansang Pulisya ng Pilipinas sa pagpapaigting ng kampanya kontra kriminalidad para makamit ang isang maayos, mapayapa, at maunlad na bansa.
Panulat ni Patrolwoman Ma. Señora J Agbuya
