General Santos City – Nakiisa ang pamunuan ng Police Regional Office 12 kasama ang mga miyembro ng Advocacy Support Groups sa Simultaneous PNP’s Pre-Launching of Bagong Pilipinas Campaign na ginanap sa PRO 12 Covered Court, Tambler, General Santos City nito lamang ika-24 ng Enero 2024.
Ang naturang aktibidad ay pinangunahan ni Police Brigadier General Jimili Macaraeg, Regional Director ng PRO 12 kasama ang PRO 12 Command Group, Regional Staff, City/Provincial Directors, at Regional Support Units.
Tampok sa programa ang paglalahad ng Bagong Pilipinas slogan, pinning ng Bagong Pilipinas Pin, sabayang pagbigkas ng Pledge of Commitment na sinundan naman ng lighting of torch.
Sa paglulunsad ng Bagong Pilipinas Campaign, ibinida rin ng pulisya ang mga naging tagumpay ng organisasyon sa nakalipas na isa at kalahating taon sa ilalim ng administrasyon ni Pangulong Ferdinand R. Marcos Jr.
Kung saan, una nang ipinagmalaki ng Ama ng Pambansang Pulisya na si Police General C Acorda Jr., ang nakamtaman ng Pulisya na mataas na trust at approval ratings sa mga survey. Gayundin sa mga katagumpayan sa kampanya kontra ilegal na droga at iba pang uri ng kriminalidad. At higit sa lahat ay ang pagkakatala ng Pilipinas bilang isa sa mga pinakaligtas na bansa sa Asia.
Panulat ni Patrolman Khnerwin Jay A Medelin
