Matapos masalanta ang ilang bahagi ng Davao Region dahil sa pagbaha at pagguho ng lupa dulot ng walang tigil at malakas na buhos ng ulan na hatid ng Shear Line/Localized Thunderstorms, naitalang nasa maayos na kalagayan ang mga pamilyang nailikas at nahatiran ng agarang tulong sa mga apektadong lugar sa Davao Region.
Ang mga personnel ng Police Regional Office 11 at iba pang rescue units at volunteers ay patuloy na naghahatid ng serbisyo publiko sa oras ng kalamidad at walang sawang maghahatid ng tulong na hindi iniinda ang lamig at ulan, matugunan lamang ang mga mamamayan sa oras ng pangangailangan.
Mahalagang papel na ginagampanan ng pulisya at emergency response team ay ang pagtiyak ng kapakanan ng mga mamamayan sa panahon ng mga mapanghamong sitwasyon.
Samantala, ang Police Regional Office 11 sa pamumuno ni Police Brigadier General Alden Delvo, Regional Director, ay binigyang-diin na gawing priority ang kaligtasan ng publiko. Patuloy ang dedikasyon at di matitinag sa gitna ng panganib at sakuna upang maihatid at magbigay tulong sa iba’t ibang miyembro ng komunidad.
