Tuluyan nang winakasan ang pakikibaka at nagbalik-loob sa pamahalaan ang isang tagasuporta ng Communist Terrorist Group sa Brgy. Pabanog, Paranas, Samar nito lamang Enero 19, 2024.
Kinilala ni Police Lieutenant Colonel Alex Dang-aoen, Force Commander ng 2nd Samar PMFC ang nagbalik-loob na si alyas Fredie, Non-PSR at miyembro ng Underground Mass Organization (UGMO) at tagasuporta ng CTG Parag-uma ng SRC-Sesame.
Ang pagbabalik-loob nito ay resulta ng patuloy na panawagan at negosasyon ng mga tauhan ng 2nd Samar Provincial Mobile Force Company kasama ang Sta. Rita Municipal Police Station, 805th Maneuver Company at 802nd Maneuver Company, Regional Mobile Force Battalion 8.
Samantala, binigyan naman ng paunang tulong na food packs mula sa 2nd Samar PMFC ang naturang surrenderee.
Si alyas Fredie ay nasa ilalim ngayon ng kustodiya ng 2nd Samar PMFC para sa facilitation at assessment upang mapabilang sa Enhanced Comprehensive Local Integration Program ng pamahalaan.
Muling hinimok ng PNP ang iba pang mga miyembro at tagasuporta ng CTGs na iwaksi ang maling ideolohiya at magbalik-loob sa gobyerno upang mabuhay ng mapayapa kasama ang kanilang mga mahal sa buhay.
Panulat ni Patrolwoman Camberleigh Flores
