Timbog ng mga tauhan ng Bajada Police Station ang Top 2 City High Value Individual at isa pa niyang kasama na nagresulta sa pagkakasabat ng tinatayang Php320,000 halaga ng shabu sa isinagawang buy-bust operation sa Brgy. 19-B, El Rio Vista, Phase 3, Davao City nito lamang Miyerkules, Enero 17, 2024.
Kinilala ni Police Major Antonio Luy Jr, Station Commander ng Bajada Police Station, ang dalawang suspek na si alyas “Baser”, 42, na tinaguriang Top 2 City Level High Value Individual at alyas “Marouph”, 31, pawang residente ng Brgy. Bulod, GSKP, Maguindanao.
Nakuha mula sa dalawang suspek ang dalawang pakete na naglalaman ng hinihinalang shabu na may higit kumulang 20 gramo at tinatayang nagkakahalaga ng Php320,000, isang Php1,000 bill, sling bag, caliber .45 pistol at buy-bust money na ginamit sa operasyon.
Ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and ammunition Regulation Act.
Samantala, ang Police Regional Office 11 sa pangunguna ni Police Brigadier General Alden Delvo, Regional Director ay patuloy sa pagsagawa ng Anti-Illegal Drugs Operation para mapanatili ang kapayapaan at kaayusan sa Rehiyon Onse.
Panulat ni Patrolwoman Jessa Singuran
