Leyte – Arestado ng mga awtoridad ang Top 6 Municipal Most Wanted Person na may kasong Frustrated Murder sa Brgy. Calipayan, Dagami, Leyte nitong Lunes, Enero 15, 2024.
Kinilala ni Police Major Arturo Salvacion Jr, Hepe ng Dagami MPS, ang naaresto na si alyas “Manez”, 53 anyos, magsasaka at residente ng Dagami, Leyte.
Ayon kay PMaj Salvacion Jr, bandang 3:20 ng hapon nang maaresto ang akusado ng mga tauhan ng Dagami Municipal Police Station sa bisa ng Warrant of Arrest para sa kasong Frustrated Murder na may piyansang inirekomenda na Php200,000.
Ang matagumpay na pagkakaaresto sa suspek ay patunay sa epektibong pagpapatupad ng kapulisan sa kanilang mandato na hulihin ang mga taong may pananagutan sa batas.
