Nagsagawa ng Community Outreach Program ang mga tauhan ng 1st Capiz Mobile Force Company sa pamumuno ni PLtCol Dante Tayco sa Brgy. Dulangan Pilar, Capiz nito lamang ika-12 ng Enero 2024.
Kasama sa aktibidad ang mga boluntaryong dentista na pinangunahan ni Ms. Christy Cordovero, kasama ang mga barangay official ng nasabing barangay.
Umabot sa 50 na indibidwal ang naging benepisyaryo ng libreng dental check-up at libreng bunot ng ngipin, 50 na indibidwal naman ang nabiyayaan sa isinagawang feeding program, 30 naman na pamilya ang nakatanggap ng mga plasticware at nasa 60 na katao ang nabigyan ng libreng gupit na handog ng ating kapulisan.
Layunin ng aktibidad na maghatid at magpaabot ng tulong sa ating mga kababayan sa malalayong lugar na kabilang sa Geographically Isolated and Disadvantage Areas (GIDAs).
Sa pakikipagtulungan sa Local Government ng Pilar sa pamumuno ni Hon. Arnold A Perez, naging posible at maayos ang pagbibigay ng dental at medikal na pangangailangan sa lugar.
Bukod pa dito naging malaking tulong din ang suporta mula sa iba’t ibang stakeholder para madagdagan ang maipaabot na tulong tulad ng libreng meryenda at hygiene kits.
Ang aktibidad na ito ay nagpapakita lamang ng diwa ng pagkakaisa, bayanihan at pagmamalasakit sa komunidad na naging tulay upang matugunan ang pangangailangang pangkalusugan ng ating mga kababayan.
