Tinatayang Php300,000 halaga ng hinihinalang shabu ang nakumpiska ng mga operatiba ng Olongapo City PNP sa dalawang suspek matapos ang ikinasang buy-bust operation sa Brgy. Kalaklan, Olongapo City nito lamang Miyerkules, ika-10 ng Enero 2024.
Kinilala ni Police Colonel Charlie Donato Umayam, City Director ng Olongapo City Police Office, ang dalawang suspek na sina alyas “Robin” at alyas “Jennifer”, 31, isang High Value Individual.
Naging matagumpay ang naturang operasyon sa pagkakakumpiska ng Php340,000 halaga ng shabu na tumitimbang ng 50 gramo kabilang ang buy-bust money.
Nahaharap ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002.
Sinisiguro ng Olongapo City PNP ang patuloy na pagpapaigting laban sa kriminalidad at pagsugpo sa paglaganap ng ilegal na droga sa kanilang nasasakupan.
Source: Olongapo City Police Office
Panulat ni PCpl Jeselle V Rivera
