Timbog ang tinaguriang Rank 3 Regional Most Wanted Person na may kasong Rape sa ikinasang operasyon ng mga awtoridad sa Brgy. Himbangan, Saint Bernard, Southern Leyte nitong Huwebes, Enero 11, 2024.
Kinilala ni Police Captain Claro Anthony Francisco, Hepe ng Sta Fe Municipal Police Station, ang nadakip na si alyas “Dony”, nasa hustong taong gulang at residente ng Saint Bernard, Southern Leyte.
Ayon kay PCpt Francisco, bandang 2:25 ng hapon nang maaresto ang akusado sa bisa ng Warrant of Arrest ng mga operatiba ng Sta Fe MPS (Lead Unit), kasama ang Provincial Intelligence Unit- Leyte Police Provincial Office at Criminal Investigation Detection Group Southern Leyte Provincial Field Unit (Support Unit).
Ang matagumpay na operasyon ay bunga ng walang humpay na serbisyo ng kapulisan at sa tuloy-tuloy na pakikipag-ugnayan at partisipasyon ng komunidad.
