General Santos City – Nasakote ng mga tauhan ng General Santos City PNP ang tinatayang Php370,600 halaga ng shabu na nagresulta sa pagkakadakip ng isang Street Level Individual (SLI) sa ikinasang buy-bust operation sa General Santos City nito lamang Enero 11, 2024.
Kinilala ni Police Captain Danny Balofiños, Officer-In-Charge ng General Santos City Police Station 4, ang suspek na si alyas “Mae”, 24, walang asawa, residente ng Brgy. City Heights, General Santos City at kabilang sa Street Level Individual.
Bandang 6:07 ng gabi nang naaresto ang suspek at narekober ang isang pirasong naka-sealed na transparent na plastik sachet na naglalaman ng pinaniniwalaang shabu na may timbang na 0.15 gramo na may Standard Drug Price na Php1,035; 15 pirasong naka-seal na transparent na plastik sachets na naglalaman ng hinihinalang shabu na may timbang na 54.5 gramo na may Standard Drug Price na Php370,600; dalawang pirasong improvised tooter; 2 disposable lighters; isang cellphone; at buy-bust money.
Mahaharap ang suspek sa kasong paglabag sa Sec. 5, Sec.11 at Sec. 12 ng RA 9165 o Comprehensive Dangerous Drugs Act of 2002.
Ang matagumpay na operasyon ay bahagi ng patuloy na kampanya ng PNP laban sa paglaganap ng ilegal na droga sa lugar at nagpapakita lamang ito ng determinasyon na mapanatili ang katahimikan at kaayusan sa komunidad.
Panulat ni Patrolwoman Flora Mae P Asarez
