Nagsagawa ng programang “Pulong-Pulong sa Barangay ni Hepe” ang Calapan City Municipal Police Station sa pangunguna ni Police Lieutenant Colonel Danilo U Driz Jr, Chief of Police na ginanap sa Barangay Hall, Brgy. Libis, Calapan City, Oriental Mindoro noong ika-9 ng Enero 2024.
Kasama sa dumalo sa programa si Honorable Denis Roxas, ABC President, mga kawani ng Brgy. Libis, miyembro ng Sangguniang Barangay, BHWs, BNS, BPATs at iba pang residente ng naturang barangay.
Tinalakay sa pagpupulong ang mga paksa hinggil sa kasalukuyang estado ng katahimikan at kaayusan sa bayan at ang operational achievement ng Calapan CPS na ibinigay ni Police Lieutenant Colonel Driz Jr.
Binigyang diin din ni Police Captain Ermin C Cabanding, Deputy Chief of Police ang mga bagay na may kaugnayan sa layunin ng nasabing gawain at tinalakay naman ni Police Executive Master Sergeant May A Bautista, WCPD PNCO ang paksa ukol sa Special Protection Against Rape and Exploitation (SPARE).
Nagkaroon din ng open forum para mas madaling matugunan at mabigyang paglilinaw ang mga katanungan hinggil sa talakayang naganap.
Layunin ng nasabing pagpupulong na matugunan ang mga napapanahong isyu ng kriminalidad na nagaganap sa naturang barangay at ilahad ang pagsisikap at inisyatibo ng mga kapulisan para masolusyunan ang mga krimeng maaaring mangyari.
Binigyang diin ng Calapan PNP na kanilang pagsisikapan na mapanatili ang katahimikan at kaayusan sa kanilang nasasakupan sa tulong ng komunidad.
