Pasay City – Kalaboso ang isang binatilyo matapos magpanggap na isang pulis sa isinagawang follow-up operation ng mga tauhan ng Pasay City Police Station nito lamang Linggo, Enero 7, 2024.
Kinilala ni Police Colonel Mario L Mayames Jr, OIC ng Pasay CPS ang suspek na si alyas “Elmer”.
Nadakip si Elmer bandang alas-9:00 ng gabi sa Dominga St., Brgy. 45, Pasay City makaraang magsagawa ng operasyon ang kapulisan ng Substation 1, Pasay CPS gamit ang CCTV footage na rason upang matukoy ng mga rumespondeng pulis at barangay officials ang suspek.
Narekober mula sa suspek ang isang Viper caliber 38 super pistol na hindi lisensyado at kargado ng anim na live ammunition.
Paglabag sa RPC Art. 177 (Usurpation of Authority) at paglabag sa RA 10591 (Comprehensive Firearms and Ammunitions Regulation Act) ang inihahanda laban sa suspek.
Nananawagan naman ang Pambansang Pulisya na isurender na sa mga otoridad ang mga armas na walang kaukulang papeles upang hindi magamit sa anumang uri ng kriminalidad para sa isang mapayapang komunidad.
Source: SPD PIO
Panulat ni PSSg Remelin M Gargantos
