Sultan Kudarat – Boluntaryong sumuko sa mga awtoridad ang dalawang miyembro ng Communist Terrorist Group (CTG) mula sa Platon Uno, SRC Daguma sa Sitio Bantugon, Brgy. Sta. Clara, Kalamansig, Sultan Kudarat, nito lamang Linggo, Enero 7, 2024.
Kinilala ni Police Major Heilbronn Okoren, Hepe ng Kalamansig Municipal Police Station, ang mga sumuko na sina “Ka Niko”, 21, binata, residente ng Brgy. Limulan, Kalamansig, Sultan Kudarat; at alyas “Ka Aguilos “, 21, may asawa at residente naman ng Brgy. Poloy-Poloy, Lebak, Sultan Kudarat.
Kasabay ng pagsuko ng dalawang rebelde ay ang pagsurender ng dalawang yunit ng M16 rifle, isang granada, anim na magazine ng M16, mga bala at iba pang kagamitang pandigma.
Nagpaalala naman si Police Brigadier General Jimili Macaraeg, Regional Director ng Police Regional Office 12, sa mga nais magbalik-loob sa pamahalaan na huwag mag-alinlangan na sumuko, sapagkat buong puso silang tatanggapin at handang tulungang magsimulang muli na malayo sa karahasan at terorismo.
Panulat ni Patrolman Khnerwin Jay A Medelin
