Albay – Aktibong nakiisa ang mga kapulisan ng PNP Bikol sa inilunsad na Nationwide Simultaneous Clean-up Drive na ginanap sa Barangay 57 Dap- Dap, Legazpi City, Albay noong Enero 6, 2024.
Ang nasabing aktibidad ay aktibong nilahukan ng kapulisan ng PRO5 sa pangunguna ni PBGen Andre P Dizon, Acting Regional Director, katuwang ang iba’t ibang ahensya at sangay ng pamahalaan.
Ang nasabing aktibidad ay kaugnay sa paglulunsad ng Kalinisan sa Bagong Pilipinas Program (Kalinga at Inisyatibo para sa Malinis na Bayan).
Ang aktibidad na ito ay naglalayong isulong ang kamalayan ng komunidad tungkol sa kahalagahan ng kalinisan, kaayusan, at wastong pamamahala sa mga basura upang mapanatili ang kagandahan ng kapaligiran.
Ang PNP Bikol ay patuloy na makikiisa at susuporta sa mga programa ng Pamahalaan na naglalayong panatilihin ang kaayusan, kapayapaan at kalinisan ng kapaligiran sa rehiyon.
