Nasabat ang nasa 70 gramo ng hinihinalang shabu sa dalawang suspek matapos ang ikinasang buy-bust operation ng Pampanga PNP sa Brgy. Sindalan, City of San Fernando, Pampanga nito lamang Sabado, ika-06 ng Enero 2024.
Kinilala ni Police Colonel Levi Hope Basilio, Provincial Director ng Pampanga Police Provincial Office, ang dalawang suspek na sina alyas “Pakyaw” at alyas “Jess”.
Nakumpiska mula sa mga suspek ang tinatayang halaga ng shabu na umabot sa Php476,000, isang calibre 9 mm (grease gun) at anim na bala at buy-bust money.
Nahaharap sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act ang mga suspek
Patunay lamang na ang Pampanga PNP ay may dedikasyon sa kanilang pagpapaigting laban sa ilegal na droga at kriminalidad upang maging tahimik ang kanilang nasasakupan.
Source: Police Regional Office 3
Panulat ni PCpl Jeselle V Rivera
