Arestado ang isang lalaki na tinuturing na Top 4 Provincial Most Wanted Person ng South Cotabato makaraang ihain ng pulisya ang nakabinbin na Warrant of Arrest sa Brgy. Lamsugod, Surallah, South Cotabato nito lamang Enero 5, 2024.
Kinilala ni Police Lieutenant Colonel Romy Castañares, Chief of Police ng Lake Sebu Municipal Police Station, ang suspek na si alyas “Nestor”, residente ng Barangay Lower Maculan, Lake Sebu, South Cotabato.
Bandang 5:00 ng hapon nang naaresto si Nestor ng mga tauhan ng Lake Sebu PNP, CIDG South Cotabato, PIU South Cotabato at 2nd South Cotabato Provincial Mobile Force Company.
Ang inihain na Warrant of Arrest laban sa suspek ay ipinalabas ng RTC Branch 26, Surallah, South Cotabato para sa kasong Statutory Rape na walang rekomendadong piyansa.
Patuloy ang PNP sa pagpapaigting ng kampanya laban sa mga taong may pananagutan sa batas para sa serbisyong nagkakaisa at makamtan ang isang tahimik at ligtas na pamayanan.
Panulat ni Patrolman Khnerwin Jay A Medelin
