Muling umaarangkada ang Community Outreach Program ng 1st Quirino Provincial Mobile Force Company na ginanap sa San Ramon Elementary School Brgy. San Ramon, Aglipay, Quirino noong ika-29 ng Disyembre 2023.
Ang aktibidad ay pinangunahan ni Police Executive Master Sergeant Bryan Dominic G Sapon sa ilalalim ng pangangasiwa ni Police Lieutenant Colonel Anthony B Lozada, Force Commander.
Sa pakikipagtulungan ng punong guro na si Ms. Elena F Ulila ay matagumpay na nakapaghatid ng serbisyo para sa 100 mag-aaral ng naturang paaralan sa pamamagitan ng libreng gupit at feeding program.
Labis naman ang pasasalamat ng mga magulang ng mag-aaral dahil napili ang kanilang paaralan sa ganitong aktibidad ng kapulisan.
Ang naturang programa ay naglalayong mabigyan ng tulong ang mga lubos na nangangailangan at mapagtibay ang magandang ugnayan ng PNP at pamayanan
Source: 1st Quirino PMFC
Panulat ni PCpl Kelvin Paul Juan
