Matagumpay na isinagawa ng Police Regional Office Bangsamoro Autonomous Region sa pamumuno ni Police Brigadier General Allan Nobleza, Regional Director, ang Oath-taking at Turnover Ceremonies ng 294 Patrolmen at Patrolwomen mula sa Moro Islamic Liberation Front at Moro National Liberation Front Quota para sa taong 2023 na ginanap sa PRO BAR Grandstand, Camp BGen Salipada Pendatun, Parang, Maguindanao del Norte nito lamang ika-28 ng Disyembre 2023.
Naging Panauhing Pandangal at Tagapagsalita sa naturang seremonya si Atty. Benjamin C Abalos, Jr., Secretary of the Interior and Local Government/Chairperson, National Police Commission.
Ang nasabing kaganapan ay dinaluhan din nina Sec. Carlito Galver Jr. Presidential Adviser on Peace, Reconciliation and Unity, at Police Lieutenant General Rhodel Sermonia, the Deputy Chief for Administration ng Philippine National Police.
Ang recruitment program na ito ay upang dagdagan ang 400 slots na nakalaan para sa mga miyembro ng MILF at MNLF, batay sa National Police Commission (NAPOLCOM) Resolution No. 2023-0380.
Ang matagumpay na mga aplikante ay dumaan sa proseso tulad ng Body Mass Index, Physical Agility Test, Comprehensive Medical Assessment, Psychological and Psychiatric Examinations, Physical and Dental Examinations, Drug Tests, Complete background Investigation na nagtapos sa Final Interview kung saan 78 ay mula sa MNLF (68 Lalaki, 10 Babae); at 216 ay mula sa MILF (187 Lalaki, 29 Babae).
Sa talumpati ni Atty. Benjamin C Abalos, Jr., kung saan tinukoy nito ang 294 na aplikante, aniya “Mula ng magsimula ang recruitment noong June 20, you already stood up to the challenge to apply to the PNP, you stood up to be the best among thousands of MILF and MNLF applicants. After this, you will be turned over to the regional training center, and you will be trained physically and mentally to become the country’s instrument of peace.”
Panulat ni Patrolman Charlie Nasroden Corpuz
