Laguna – Arestado ang Regional Most Wanted Person sa kasong Rape sa ikinasang joint manhunt operation ng Laguna PNP nito lamang Disyembre 26, 2023.
Kinilala ni Police Colonel Harold Depositar, Acting Provincial Director, Laguna Police Provincial Office, ang suspek na si alyas ‘’Ronnie’’, residente ng Los Baños, Laguna.
Naaresto ang suspek sa Los Baños, Laguna ng pinagsanib na operasyon ng mga tauhan ng Calamba Component City Police Station (CPS) at Los Baños Municipal Police Station (MPS).
Naaresto ang suspek sa bisa ng Warrant of Arrest sa kasong Statutory Rape na walang inirekomendang piyansa, Statutory Rape by Sexual Assault na may inirerekomendang piyansa na Php200,000 at Lascivious Conduct sa ilalim ng Sec. 5 (b) ng RA 7610 (Special Protection of Children against Child Abuse, Exploitation, and Discrimination) na may inirekomendang piyansa na Php180,000.
Hinihikayat ng Laguna PNP ang mga mamamayan na makipagtulungan at suportahan ang kampanya laban sa mga kriminalidad upang makamtam ang katahimikan, kaayusan at kaligtasan ng bawat isa sa pamayanan.
Source: Laguna Police Provincial Office
Panulat ni Police Staff Sergeant Donabel T Dulin
