Laguna – Timbog ang Top 3 Most Wanted Person ng Pasay City sa San Vicente St, Brgy Nurva, San Pedro, Laguna ng mga operatiba ng Pasay City Police Station nito lamang Miyerkules, Disyembre 27, 2023.
Kinilala ni PBGen Mark Pespes, OIC ng Southern Police District ang akusado na si alyas “JM,” 20, katulong sa kusina at naninirahan sa Laguna.
Nangyari ang joint operation ng mga tauhan ng DSOU-SPD (lead unit), DID-SPD, SIS- Pasay CPS at San Pedro CPS- Laguna PPO, bandang 1:15 ng hapon matapos madiskubre ng mga awtoridad ang kanyang lokasyon sa Laguna sa loob ng restaurant na matatagpuan sa Brgy Nurva, San Pedro, Laguna.
Dito na inaresto ang akusado sa bisa ng warrant of arrest para sa Lascivious Conduct sa ilalim ni Sec. 5 (B) ng RA No. 7610.
Dinala ang naarestong akusado sa Pasay CPS Custodial Facility para sa pansamantalang kustodiya habang hinihintay ang paglalabas ng commitment order ng issuing court.
Patuloy naman ang kapulisan ng Southern Metro sa pagtunton sa mga indibidwal na may pananagutan sa batas upang hindi makapangbiktima ng iba pa.
Source: SPD PIO
Panulat ni PSSg Remelin M Gargantos
