Boluntaryong sumuko ang tatlong babaeng aktibista sa pamunuan ng Nueva Ecija1st Provincial Mobile Force Company sa Cabanatuan City, Nueva Ecija nito lamang Lunes, ika-18 ng Disyembre 2023.
Pinamunuan ito ni Police Colonel Richard Caballero, Provincial Director ng Nueva Ecija Police Provincial Office, katuwang ang mga tauhan ng Nueva Ecija 1st PMFC.
Kabilang ang tatlong aktibong aktibista sa grupo ng Liga ng Manggagawang Bukod (LMB) sa ilalim ng Alyansa ng Magbubukid ng Gitnang Luzon (AMGL) Nueva Ecija Chapter.
Nanumpa at lumagda ang mga sumuko ng Oath of Allegiance to the Government bilang pagtalikod sa mga maling gawain ng mga rebeldeng grupo.
Kasabay nito ay namahagi din ang mga awtoridad ng grocery packs sa mga nagbalik-loob sa pamahalaan.
Nangako ang mga ito na kanilang susuportahan ang pagpapaigting laban sa insurhensiya na masigasig na ginagawa ng Nueva Ecija PNP upang matigil ang pakikibaka ng mga armadong grupo laban sa gobyerno.
Source: Nueva Ecija Police Provincial Office
Panulat ni PCpl Jeselle V Rivera
