Isang miyembro ng Communist Terrorist Group ang tuluyan nang winakasan ang pakikibaka at nagbalik-loob sa pamahalaan sa bayan ng Brgy. Imelda, Mondragon, Northern Samar, nito lamang Disyembre 19, 2023.
Kinilala ang sumuko na si alyas “Speed”, 30, magsasaka, kasalukuyang naninirahan sa Rosario, Northern Samar at miyembro ng SQD 2, Team 2, SRGU, CN: AMIHAN, SRC EMPORIUM.
Kanya ring isinuko ang isang Norinco Cal. .45 na may serial number na 861632, dalawang magazine at walong live ammunition.
Ang boluntaryong pagbabalik-loob nito ay resulta ng patuloy na negosasyon ng pinagsamang pwersa ng mga tauhan ng 803nd Maneuver Company, RMFB 8, kasama ang 1st Northern Samar PMFC, 2nd Northern Samar PMFC, 125SAC, 12SAB, PNP-SAF, PIT Northern Samar, RIU8 at Mondragon MPS.
Ang nagbalik-loob na miyembro ng CTG ay sasailalim sa Enhanced Comprehensive Local Integration Program (E-CLIP) ng gobyerno upang maging kwalipikado na tumanggap ng tulong pangkabuhayan mula sa pamahalaan.
Muling hinimok ng mga alagad ng batas ang iba pang mga miyembro at tagasuporta ng CTGs na iwaksi ang maling ideolohiya at magbalik-loob sa gobyerno upang makasama ang kanilang mga mahal sa buhay at mamuhay ng mapayapa.
