Nasamsam ang tinatayang Php3.3 milyong halaga ng ilegal na droga sa apat na nadakip na suapek sa ikinasang buy-bust ng mga awtoriddad sa Poblacion East, Lamut, Ifugao nito lamang Disyembre 14, 2023.
Ayon kay Police Colonel Marvin Diplat, Provincial Director, Ifugao Police Provincial Office, matagumpay ang naturang operasyon ng pinagsamang pwersa ng Lamut PNP, Ifugao Provincial Intelligence Unit, Kalinga Provincial Drug Enforcement Unit, Regional Intelligence Unit Cordillera, 1st Ifugao PMFC, 1st Maneuver Company, RMFB 15 at PDEA Ifugao.
Napag-alaman na ang apat na suspek ay pawang mga residente ng Poblacion, Cabanatuan City.
Nakumpiska sa naturang operasyon ang dalawang pirasong transparent heat-sealed plastic sachets na naglalaman ng hinihinalang shabu na may timbang na anim na gramo bawat sachet na nagkakahalaga ng tinatayang Php81,600; 17 piraso ng marijuana bricks na binalot ng cling wrapper na naglalaman ng mga tuyong dahon ng marijuana na may timbang na higit kumulang 17 kilo na nagkakahalaga ng Php2,040,000; 10 piraso ng mga tuyong dahon at fruiting tops ng marijuana na may timbang na higit kumulang 10 kilo na nagkakahalaga ng Php1,200,000.
Sa kabuuan, ang mga nakumpiska ay nagkakahalaga ng Php3,321,600.
Ang mga suspek ay nahaharap sa kasong paglabag sa Section 5 at 11 ng RA 9165 o ang Comprehensive Dangerous Drugs Act of 2002.
Patuloy ang PNP at PDEA sa kampanya laban sa ilegal na droga na dahilan ng pagkasira ng magandang kinabukasan ng ating kabataan at ugat ng kaguluhan sa ating pamayanan.
