Camarines Norte – Arestado ng Mercedes PNP ang kanilang tinaguriang Ranked 1 Municipal Most Wanted Person sa isinagawang Manhunt Operation ng pinagsamang mga operatiba ng Camarines Norte PNP sa Purok 5A, Barangay Gabon, Mercedes, Camarines Norte nito lamang Disyembre 13, 2023.
Kinilala ni Police Major Conrado De Vera, Hepe ng Mercedes MPS, ang akusado na si alyas “Paul” at residente ng Barangay Gabon, Mercedes, Camarines Norte.
Ayon kay Police Major De Vera, bandang 4:35 ng hapon ng naaresto ang akusado ng pinagsanib na mga operatiba ng Mercedes Municipal Police Station, CIDG- Camarines Norte, Camarines Norte 1st at 2nd Provincial Mobile Force Company.
Naaresto ang akusado sa bisa ng Warrant of Arrest para sa kasong paglabag ng Section 5(B), Article lll ng Republic Act 7610 na may inirekomendang piyansa na Php180,000.
Patuloy ang pagtugis ng Camarines Norte PNP sa mga taong may pananagutan sa batas upang mabigyan ng katarungan ang mga biktima ng iba’t ibang uri ng kriminalidad para mapapanatiling ligtas, tahimik, at maayos ang komunidad.
Source: Merceds MPS CNPPO
