Leyte – Nagsagawa ng Community Outreach Program ang mga miyembro ng Police Regional Office 8 Press Corps na ginanap sa Palanog Elementary School sa Brgy. Palanog, Tacloban City nito lamang araw ng Disyembre 12, 2023.
Ang aktibidad ay pinangunahan ng Office of the Regional Public Information Office 8 sa pamumuno ni Police Major Marjorie L Manuta sa pangangasiwa ni Police Brigadier General Reynaldo H Pawid, Regional Director ng Police Regional Office 8.
May kabuuang 206 na food packs, tumblers, at school supplies ang naipamahagi sa mga mag-aaral ng grade 2 at 5 ng nasabing paaralan.
Nagkaroon din ng lecture sa pamamagitan ng Bible Stories ang ibinahagi ni Gng. Regie Tacata at Daniel Tacata, mga kinatawan mula sa Child Evangelism Fellowship.
Labing-apat na miyembro ng PRO 8 Press Corps ang nakiisa sa nasabing aktibidad sa pangunguna ni Mr. Ioannes Paulus Omang, PRO 8 Press Corps President.
Nagbigay ng pasasalamat naman si Gng. Geraldine Barsana, School Head ng paaralan para sa mga biyayang ibinahagi sa kanila sa pamamagitan ng gift-giving activity.
Gayundin, idinagdag niya na ang PNP ay isang instrumento sa pagbabahagi ng diwa ng Pasko at pagdadala ng salita ng Diyos sa kanilang mga mag-aaral.
