Napasakamay ng mga awtoridad ang high value target sa buy-bust operation ng Drug Enforcement Team ng Police Station 7, Cebu City Police Office (CCPO) matapos maaresto sa Sitio Lower Tabucanal, Brgy. Pob. Pardo, Cebu City, Martes, Disyembre 12, 2023.
Kinilala ni Police Major Jeciree S Basitao, Station 7 Commander, ang suspek na kinilalang si “Rensoy”, 22 anyos, residente ng Brgy. Tanke, Talisay City, Cebu.
Nakumpiska sa pag,-iingat ng suspek ang may kabuuang 10.24 gramo na pinaghihinalaang shabu na may Standard Drug Price na Php69,632 at buy-bust money.
Agad na isinumite ang mga nakalap na ebidensya sa Forensic Unit para sa pagsusuri habang inihahanda na ang pagsasampa ng kaso para sa kaukulang paglabag sa RA 9165 ang suspek na nasa kostudiya ng istasyon.
