Caloocan City — Kalaboso ang dalawang driver matapos mahulihan ng tinatayang Php108,800 halaga ng shabu sa ikinasang buy-bust operation ng mga operatiba ng Caloocan City Police Station nito lamang Linggo, Disyembre 10, 2023.
Kinilala ni PBGen Rizalito Gapas, District Director ng Northern Police District, ang mga suspek na sina alyas “Alvin” (Pusher), 37, tricycle driver, residente sa Tarlac City; at alyas “Randy, 44, jeepney driver, na naninirahan naman sa Barangay 120, Caloocan City.
Ayon sa mga operatiba ng OCOP-DEU, CCPS na may koordinasyon sa PDEA-Regional Office NCR (Control No. 10001-122023-0234), nagsagawa sila ng planadong operasyon na humantong sa pagkakaaresto sa mga suspek makaraang magbenta ng isang (1) piraso ng medium heat-sealed transparent plastic sachet na naglalaman ng pinaniniwalaang shabu sa poseur buyer na pulis ang mga suspek na nagyari bandang 3:07 ng madaling araw, sa kahabaan ng 2nd Avenue, Barangay 120, Caloocan City.
Nasamsam sa mga suspek ang tatlong (3) pirasong medium at isang small heat-sealed transparent plastic sachet na naglalaman ng pinaniniwalaang shabu na may kabuuang timbang na 16 gramo at nagkakahalaga ng Php108,800 at isang (1) tunay na Php500 na may anim (6) na piraso na pekeng Php1,000 bilang boodle Money.
Paglabag sa Seksyon 5 at 11 ng Artikulo II ng R.A. 9165 o Comprehensive Dangerous Drugs Act of 2002 ang kahaharapin ng mga suspek.
Nanawagan naman ang SPD sa ating mga kababayan na huwag matakot isumbong sa mga otoridad ang mga indibidwal na patuloy na gumagawa ng ilegal na aktibidad sa kanilang mga lugar upang mapanagot ang mga ito sa batas.
Source: SPD PIO
Panulat ni PSSg Remelin M Gargantos
