Cavite – Arestado sa ikinasang joint intelligence-driven operation ng CALABARZON PNP ang Regional Most Wanted Person sa kasong Rape nito lamang Disyembre 11, 2023.
Kinilala ni Police Colonel Eleuterio Ricardo Jr, Officer-In-Charge ng Cavite Police Provincial Office, ang suspek na si alyas ‘’John”, residente ng Brgy. Tejeros Convention, Rosario, Cavite.
Naaresto ang suspek sa Cavite Economic Zone, General Trias City, Cavite ng mga operatiba o Tracker Team ng Noveleta Municipal Police Station kasama ang Regional Intelligence Division Regional Special Operations Unit Cavite sa bisa ng Warrant of Arrest sa kasong Rape ng Art 266A1 kaugnay sa Art 266B ng Revised Penal Code na walang inirekomendang piyansa.
Ang Cavite PNP ay manatiling nakatuon sa paghuli sa mga wanted persons at bigyang hustisya ang mga naging biktima at makamtan ang kaligtasan, kapayapaan at kasayahan sa komunidad.
Source: Cavite Police Provincial Office
Panulat ni Police Staff Sergeant Donabel T Dulin
