Naga City – Tinatayang Php176,800 halaga ng umano’y shabu ang nakumpiska sa isang lalaki sa inilunsad na drug buy-bust operation ng pinagsamang mga operatiba ng Naga City PNP sa Zone 1, Barangay Bagumbayan Sur, Naga City nito lamang Disyembre 10, 2023.
Kinilala ni Police Major Miguel Nool lll, Station Commander ng Police Station 3-NCPO, ang suspek na isang 37-anyos na lalaki, may kinakasama, driver at residente ng Jacob Putol, Barangay Bagumbayan Sur, Naga City.
Ayon kay Police Major Nool lll, isinagawa ang operasyon bandang 9:48 ng gabi ng pinagsanib na mga operatiba ng Police Station 3-NCPO, Naga City Intelligence Unit, Naga City Mobile Force Company sa pakikipag-ugnayan sa PDEA- Naga City Office.
Nakumpiska mula sa suspek ang 26 na gramo ng pinaniniwalaang shabu na may street value na Php176,800.
Nahaharap ang nahuling suspek sa kasong paglabag sa RA 9165 o ang Comprehensive Dangerous Drugs Act of 2002.
Ang matagumpay na operasyon ng Naga City PNP ay bunga ng pinaigting na kampanya kontra ilegal na droga sa lungsod at sa tulong at suporta na rin ng mga mamamayan sa kapulisan sa pagpapanatili ng maayos, ligtas at payapa ang komunidad.
Source: Naga City Police Office
