Nueva Ecija – Tinatayang Php720,000 halaga ng shabu ang nakumpiska ng Cabanatuan City PNP sa ikinasang buy-bust operation sa Brgy. Bakod Bayan, Cabanatuan City, Nueva Ecija nito lamang Miyerkules, ika-6 ng Disyembre 2023.
Kinilala ni Police Lieutenant Colonel Early Bitog, Chief of Police ng Cabanatuan City Police Station, ang suspek na si alyas “Jerry”, kabilang sa PNP Drug Watchlist.
Naging matagumpay ang naturang operasyon sa pagkakakumpiska ng Php720,800 halaga ng shabu na tumitimbang ng 106 na gramo at Smith and Wesson calibre 38 revolver at buy-bust money.
Nahaharap ang suspek sa mga kasong paglabag sa Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Sinisiguro ng Cabanatuan City PNP ang pagpapaigting laban sa kriminalidad at pagsugpo sa paglaganap ng ilegal na droga sa kanilang nasasakupan.
Source: Cabanatuan City Police Station
Panulat ni PCpl Jeselle V Rivera
