Nagsagawa ng Gift Giving Activity at Campaign to End Violence Against Women (VAW) ang Nueva Vizcaya Women in the Police Service Organization (NVWPSO) sa mga Person Deprived of Liberty (PDL) ng Bureau of Jail and Management Penology sa Brgy. Curifang, Solano, Nueva Vizcaya noong Disyembre 5, 2023.
Pinasimulan ng mga miyembro ng Nueva Vizcaya Women in the Police Service Organization sa pangunguna ni Police Lieutenant Colonel Angeline Amangan, Adviser ng NVWPSO, ang aktibidad na naglalayong itaas ang kamalayan tungkol sa Violence Against Women at magbigay ng suporta sa komunidad.
Nagkaroon ng lecture patungkol sa Anti-Violence Against Women and Their Children Act of 2004 o RA 9262 at Proper Hygiene and Health Awareness at sinundan ito ng pamimigay ng hygiene kits at food packs sa mga dumalo.
Samantala, nagtapos ang aktibidad sa isang inspirasyong mensahe mula kay PLtCol Amangan, na nagbigay-diin sa kahalagahan ng pagkakaisa sa pagwawakas ng karahasan laban sa kababaihan.
Nagpahayag din ng pasasalamat ang mga kalahok sa mga kapulisan sa suporta at mahalagang impormasyon na kanilang ipinaabot.
Naging katuwang ng kapulisan ang mga miyembro ng BJMP na nagkaisa upang ipakita ang malasakit kahit sa mga kababayan nating nasa loob ng piitan. Ito rin ay bilang pagtalima sa PNP Core Value na “Makatao”.
Source: Nueva Vizcaya Police Provincial Office
