Cotabato – Arestado ang isang lalaki matapos mahulihan ng ilegal na baril sa ikinasang checkpoint ng mga awtoridad sa Brgy. Nalapaan, Pikit, Cotabato nito lamang ika-5 ng Disyembre 2023.
Kinilala ni Police Major Arvin John Camping, Officer-In-Charge ng Pikit Municipal Police Station, ang suspek na si alyas “Ryan”, magsasaka, at residente ng Layog, Pagalungan, Maguindanao.
Ayon sa ulat ng Pikit Municipal Police Station, habang nagsagawa ng checkpoint ang kanilang hanay katuwang ang kasundaluhan pasado 4:00 ng hapon nang parahin ang motorsiklong minamaneho ng suspek at tumambad ang isang Cal. 45 pistol na may kasamang magazine at anim na bala.
Nabigo naman ang suspek na magpakita ng mga kaukulang dokumento kaya’t agad itong inaresto at nahaharap sa kasong paglabag sa RA 10591 o “Comprehensive Firearms and Ammunition Regulation Act”.
Mahigpit na babantayan ng PNP ang katahimikan, kaayusan ng ating pamayanan.
Panulat ni Patrolman Khnerwin Jay A Medelin
