Cebu City – Napasakamay ng mga awtoridad ang tinuturing na Top 4 Most Wanted Person ng Central Visayas matapos itong maaresto sa manhunt operation ng kapulisan sa Brgy. Guadalupe, Cebu City noong Martes, Disyembre 5, 2023.
Sa pangunguna ng mga tauhan ng Police Station 9, Cebu City Police Office sa pamumuno ni Police Captain Rexel Yosores, Officer-In-Charge, ang akusado na kinilalang si “Jhapet”, 31 anyos.
Ayon kay PCpt Yosores, ang suspek ay nadakip dakong alas-12:30 ng hapon kasunod ng paghahain ng Warrant of Arrest sa kasong “Frustrated Murder”.
Ang buong kapulisan ng Cebu City sa pamumuno ni Police Colonel Ireneo Dalogdog, City Director ay walang humpay at patuloy na pinapaigting ang kampanya sa lahat ng uri ng kriminalidad upang tiyakin ang kapayapaan at kaayusan sa lungsod.
Panawagan ng kapulisan sa publiko, ang patuloy na suporta at pakikiisa tungo sa pagkamit ng nagkakaisang adhikain sa kapakanan ng komunidad.
