Kalaboso ang isang nanay at anak nito sa ikinasang drug buy-bust operation ng mga operatiba ng Iloilo City Police Station 1, bandang 8:45 ng gabi sa Brgy. Tanza-Timawa Zone 2, City Proper, Iloilo City nitong ika-4 ng Disyembre 2023.
Kinilala ni Police Captain Roque Gemino lll, Station Commander ng ICPS1, ang mga nahuling suspek na sina alyas “Madonna” (SLI), 47, at si alyas “Bordagol” (Newly Identified SLI), 19, kapwa residente ng nasabing lugar.
Nakumpiska sa mga pag-iingat ng mga suspek ang limang (5) pakete na naglalaman ng pinaghihilang shabu na may bigat na 23 gramo at may halagang Php156,400.
Narekober din sa kanila ang ginamit na buy-bust money at ilang mga non-drug items.
Kaugnay nito, patuloy na hinihimok ng kapulisan ang publiko na ipagpatuloy ang suporta sa mga awtoridad sa pagsugpo sa ilegal droga upang makamit ang isang drug free at ligtas na komunidad.
