Leyte – Naaresto ng mga operatiba ng Leyte PNP at PDEA 8 ang isang High Value Individual sa ikinasang buy-bust operation sa Brgy. Cabarasan, Barugo, Leyte nito lamang ika-3 ng Disyembre 2023.
Kinilala ni Police Major Darwin Dalde, Officer-In-Charge ng Barugo Municipal Police Station, ang naaresto na si alyas “Rjay”, 34, government employee (MDRRMO driver) at residente ng Brgy. Busay, Barugo, Leyte.
Ang operasyon ay pinangunahan ng PDEA 8 – Leyte Provincial Office kasama ang mga tauhan ng Barugo Municipal Police Station – Station Drug Enforcement Unit.
Nakumpiska mula sa suspek ang dalawang pirasong sachet ng hinihinalang shabu na tumitimbang ng humigit kumulang 5.02 gramo na may tinatayang market value na Php34,500.
Mahaharap ang suspek sa kasong paglabag sa Sec 5 at 11, Art II ng RA 9165 o Comprehensive Dangerous Drugs Act of 2002.
Samantala, patuloy ang Leyte PNP sa pagpapaigting ng kampanya laban sa ilegal na droga sa kanilang nasasakupan upang manatiling ligtas at tahimik ang komunidad.
