South Cotabato – Timbog ang isang High Value Individual (HVI) sa ikinasang buy-bust operation ng pulisya sa Purok Honeyville, Brgy. Silway 8, Polomolok, South Cotabato, bandang 8:26 ng gabi noong Disyembre 2, 2023.
Ayon kay Police Brigadier General Jimili Macaraeg, Regional Director ng Police Regional Office (PRO) 12, naaresto ang suspek na si alyas “Arnold”, matapos kumagat sa naturang operasyon ng mga tauhan ng Polomolok Municipal Police Station at iba pang mga operatiba ng South Cotabato Police Provincial Office.
Higit-kumulang 5 gramo ng hinihinalang shabu ang kabuuang narekober sa operasyon na may tinatayang halaga na Php36,000.
Ang suspek ay nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Ito ay bunga ng pagsisikap ng South Cotabato PNP na labanan ang paglaganap ng ilegal na droga sa komunidad at sa dedikasyon na panatilihing ligtas ang mga mamamayan mula sa masamang epekto nito.
Panulat ni Patrolman Khnerwin Jay A Medelin
