Rizal – Arestado ang isang babaeng Most Wanted Person sa kasong paglabag sa National Internal Revenue Code of 1197 (22 counts) sa ikinasang operasyon ng Pililla PNP nito lamang Nobyembre 29, 2023.
Kinilala ni Police Colonel Felipe Maraggun, Provincial Director ng Rizal Police Provincial Office, ang suspek na si alyas “Editha”, 64, residente ng Pililla, Rizal.
Naaresto ang suspek bandang 1:40 ng hapon sa kanyang tahanan sa isinagawang operasyon ng Pililla Municipal Police Station sa bisa ng Warrant of Arrest sa kasong paglabag sa Section 255 kaugnay ng Sections 253(D) at 256 ng National Internal Revenue Code of 1997 (22 counts) na my inirekomendang piyansa na nagkakahalaga ng Php1,320,000.
Ang Rizal PNP ay patuloy sa paglunsad ng operasyon laban sa mga personalidad na may pananagutan at nagtatago sa batas upang makamtan ang kaayusan, kapayapaan at masayang pamayanan.
Source: Rizal Police Provincial Office
Panulat ni Police Staff Sergeant Donabel T Dulin
