Navotas City – Arestado ang dalawang suspek makaraang madakip sa isinagawang buy-bust operation ng mga operatiba ng Navotas City Police Station nito lamang Miyerkules, Nobyembre 29, 2023.
Kinilala ni PBGen Rizalito G Gapas, District Director ng Norther Police District, ang mga suspek na sina alyas “Joy”, 39, babae, residente ng Champaca Street Barangay San Roque, Navotas City; at alyas “Nash”, 32, lalaki, resident ng Tulay 9, Barangay Daanghari, Navotas City.
Naaresto ang mga suspek ng Station Drug Enforcement Unit SDEU ng Navotas CPS, bandang 3:35 ng madaling araw sa kahabaan ng M. Naval Street Barangay San Roque, Navotas City.
Narekober ng mga kapulisan sa operasyon ang apat na pakete ng pinaghihinalaang shabu na humigit kumulang sa 70 gramo ang bigat at nagkakahalaga ng Php476,000; isang kulay brown na pitaka at isang (1) piraso ng tunay na Php1,000 na may kasamang anim na Php1,000 boodle money.
Inihahanda naman ng pulisya ang kasong paglabag sa RA 9165 o Comprehensive Dangerous Drugs Act of 2002 laban sa mga suspek.
Ang matagumpay na mga operasyon ng kapulisan ng NPD ay isang simbolo ng isang matatag at malakas na suporta mula sa ating mga kababayan.
Source: NPD PIO
Panulat ni PSSg Remelin M Gargantos
