Cagayan – Nakiisa ang mga tauhan Tuguegarao Component City Police Station sa pamumuno ni Police Lieutenant Colonel Richard Gatan, Chief of Police, sa High Heel Race na ginanap sa Enrile Boulevard, Tuguegarao City, Cagayan nito lamang ika-27 ng Nobyembre 2023.
Katuwang ang Integrated Bar of the Philippines (IBP) Cagayan Chapter sa pamamagitan ng Gender and Development Committee at Lokal na Pamahalaan ng Lungsod ng Tuguegarao ang IBP Cagayan High Heel Race kaugnay sa United VAW Free Philippines; 18-Day Campaign to End Violence Against Women (VAW) o pagpuksa ng karahasan laban sa kababaihan na ipinagdiriwang ngayong Linggo.
Ayon kay Atty. Girlie Mei Cuntapay, IBP Cagayan Chapter GAD Committee Chairperson, kinikilala ng kanilang samahan ang mahalagang papel na ginagampanan ng mga kalalakihan sa pagpuksa ng karahasan laban sa kababaihan at sa pamamagitan ng nasabing aktibidad ay maramdaman ng mga lalaking kalahok ang pakiramdam ng mga babae, kahit sa simpleng paraan lang na paggamit o pagsuot ng sapatos na may takong.
Pagkatapos ng aktibidad ay inaasahan na pahalagahan ng mga kalahok ang mga kababaihan hindi lamang ang kanilang mahal sa buhay, bagkus lahat ng kababaihan sa komunidad.
Souce: Tuguegarao Component City Police Station
