Tinatayang Php1,440,000 halaga ng marijuana ang nadiskubre sa isinagawang marijuana eradication ng mga awtoridad sa Sitio Mangga-an, Brgy. Kayapa, Bakun, Benguet nito lamang ika-23 ng Nobembre 2023.
Ang operasyon ay naging matagumpay sa pamamagitan ng pagtutulungan ng mga operatiba ng Bakun MPS, PDEU/PIU, Benguet PPO, at RIU 14 na nagresulta sa pagkadiskubre ng isang plantasyon ng marijuana na may mahigit kumulang 7,200 piraso ng marijuana plants sa isang communal forest na may Standard Drug Price na PhP1,440,000 na kaagad namang binunot at sinunog ng mga operatiba.
Ang Benguet PNP ay muling nananawagan sa publiko na itigil ang pagtatanim ng marijuana dahil hindi sila titigil sa pagpapaigting ng kanilang kampanya kontra ilegal na droga para mahuli ang mga nagtatanim at nag-aangkat ng ipinagbabawal na halaman.
