Bulacan – Tinatayang Php243,600 halaga ng marijuana ang nakumpiska sa isang suspek sa ikinasang buy-bust operation ng mga awtoridad sa Brgy. Santol, Balagtas, Bulacan nito lamang Biyernes, ika-24 ng Nobyembre 2023.
Kinilala ni Police Colonel Relly Arnedo, Provincial Director ng Bulacan Police Provincial Office, ang suspek na si alyas “Reyvin”, residente ng Brgy. Pinagkuartelahan, Pandi, Bulacan.
Tinatayang nasa dalawang kilogramong marijuana na may halagang Php243,600 kabilang ang marked money ang nakumpiska mula sa suspek at nahaharap sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng Bulacan PNP upang pigilan ang paglaganap ng ilegal na droga sa kanilang probinsya.
Source: Bulacan Police Provincial Office
Panulat ni PCpl Jeselle V Rivera
