Tinatayang Php1,080,000 halaga ng marijuana ang nadiskubre sa isinagawang marijuana eradication ng mga awtoridad sa Sitio Macagang, Kayapa, Bakun, Benguet nito lamang ika-22 ng Nobyembre 2023.
Ang operasyon ay naging matagumpay sa pamamagitan ng pagtutulungan ng mga operatiba ng Bakun MPS, PDEU/PIU, Benguet PPO at RIU 14 na nagresulta sa pagkadiskubre ng isang plantasyon ng marijuana na may mahigit kumulang 5,400 piraso ng marijuana plants sa isang communal forest na may Standard Drug Price na Php1,080,000.
Kaagad namang binunot at sinunog ng mga operatiba ang mga nasabing marijuana.
Ang Benguet PNP ay muling nanawagan sa publiko na itigil ang pagtatanim ng marijuana dahil maigting ang kampanya kontra ilegal na droga para mahuli ang mga nagtatanim at nag-aangkat ng ipinagbabawal na halaman.
