Bulacan – Tinatayang Php720,000 halaga ng marijuana ang nakumpiska sa isang suspek sa ikinasang buy-bust operation ng mga operatiba ng Malolos City PNP sa Barangay Pinagbakahan, City of Malolos, Bulacan nito lamang Biyernes, ika-24 ng Nobyembre 2023.
Kinilala ni Police Colonel Relly Arnedo, Provincial Director ng Bulacan Police Provincial Office ang suspek na si alyas “Glenn”.
Tinatayang anim na kilogramong marijuana na may halagang Php720,000, isang motorsiklo na Honda ADV kabilang ang marked money ang nakumpiska sa nasabing operasyon.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng Bulacan PNP upang pigilan ang paglaganap ng ilegal na droga sa kanilang probinsya.
Source: Bulacan Police Provincial Office
Panulat ni PCpl Jeselle V Rivera
