Kalinga – Isinagawa ang Inauguration at Blessing ng bagong tayong gusali ng Tinglayan Municipal Police Station sa Poblacion, Tinglayan, Kalinga, nito lamang Nobyembre 21, 2023.
Ito ay pinasinayaan ng PROCOR Top Cop na si Police Brigadier General David Peredo Jr., Regional Director, kung saan mainit ang ginawang pagtanggap sa kanya ng mga bisitang dumalo at ng mga miyembro ng Tinglayan PNP sa pangunguna ni Police Colonel Freddie Lazona, Provincial Director ng Kalinga Police Provincial Office, kasama ang DPWH District Engineering Office ng Upper Kalinga at Local Government Units.
Nagkaroon ng unveiling ng commemorative markers, turn-over of the symbolic key, ribbon cutting, at blessing sa iba’t ibang parte ng gusali na isinagawa ni Pastor Conrado Bagtang sa pangunguna ni PBGen Peredo Jr., na lubos na nagpapasalamat sa patuloy na suporta ng Local Government Unit sa probinsya ng Kalinga.
Sa pamamagitan ng pakikiisa ng Lokal na pamahalaan at PNP ay isang bagong istasyon ng pulisya ang matagumpay na naitayo upang mas mapaigting pa ang pagtugon at paghahatid ng dekalidad na serbisyo sa kailang nasasakupan.
Source: PRO Cordillera PIO
