Boluntaryong sumuko ang isang Communist Terrorist Group (CTG) member na may kasong Attempted Murder sa mga tauhan ng Misamis Oriental 1st Provincial Mobile Force Company nito lamang ika-20 ng Nobyembre 2023 sa Sitio Dokdokon, Barangay Eureka, Gingoog City.
Ayon kay Police Lieutenant Colonel Ariel Philip Pontillas, Force Commander ng 1st Provincial Mobile Force Company ng Misamis Oriental, kinilala ang sumuko si alyas “Datu”, 65, at residente ng nasabing barangay.
Kasabay ng kanyang pagsuko ay ang pagturn-over ng isang armas na Cal .45mm Pistol; isang magazine at apat na bala.
Kasong Attempted Murder ang kinakaharap ng suspek na may rekomendadong piyansa na Php120,000 na inihain ng mga tauhan ng Misamis Oriental 1st PMFC kasama ang Provincial Intelligence Unit, Magsaysay Municipal Police Station, Carmen Municipal Police Station at 58 Infantry Battalion ng Philippine Army.
Patuloy ang panawagan ng Misamis Oriental PNP sa mga natitira pang miyembro ng komunistang grupo na sumuko at magbalik-loob sa pamahalaan para sa payapang pamumuhay.
