Valencia City – Arestado ang isang lalaki sa kasong paglabag sa RA 10591 at RA 9165 sa ikinasang Joint Search & Warrant Operation ng mga tauhan ng Bukidnon PNP nito lamang ika-20 ng Nobyembre 2023 sa Sitio Acuba, Guinoyoran, Valencia City, Bukidnon.
Kinilala ni Police Colonel Jovit L Culaway, Officer-In-Charge ng Bukidnon Police Provincial Office, ang suspek na si alyas “Ranidel”, 45 at residente ng naturang lugar.
Bandang 6:00 ng umaga nang isagawa ng mga tauhan ng Bukidnon – Provincial Intelligence Unit kasama ang Valencia City Police Station at 2nd Provincial Mobile Force Company – Bukidnon ang joint search warrant operation na may SW no. RTC-OCC 66-23 sa kasong paglabag sa RA 10591 o Comprehensive Firearms and Ammunition Regulation Act na nagresulta sa pagkakaaresto sa suspek.
Sa naturang operasyon nakumpiska ang isang Cal .45 Pistol na walang serial number; isang M4A1 Carbine Cal 5.56mm na may serial no. W316546, dalawang steel magazine ng Cal .45, dalawang magazine ng 5.56mm, dalawang magazine ng Cal .45, tatlong magazine ng Cal 5.56mm at magazine pouch, isang rifle grenade with case, 18 na bala ng Cal .45, 152 na bala ng 5.56mm, isang bandoleer, isang holster at tatlong pakete ng hinihinalang shabu na may bigat na 3.32 na gramo na may Standard Drug Price na Php22,600 at pinatuyong dahon ng hinihinalang marijuana na may timbang na 26.5 na gramo at may halagang Php3,180 at mga drug paraphernalia.
Nahaharap ang suspek sa kasong paglabag sa RA 10591 o Comprehensive Firearms and Ammunition Regulation Act at RA 9165 o Comprehensive Dangerous Drugs Act of 2002.
Ang Bukidnon PNP ay patuloy na ang pagpapaigting sa kampanya laban sa mga loose firearms na walang kaukulang papel at ilegal na droga upang mapanatili ang ligtas at payapa ang kanilang nasasakupang probinsya.
Panulat ni Patrolman Joshua Fajardo
