Laguna – Inilunsad ng Police Regional Office CALABARZON ang BIDA-BEST Program or the Buhay Ingatan Droga’y Ayawan- Bagong Ehemplo ng Sambayan Tungo sa Kapayapaan Project na ginanap sa Multi-Purpose Center, Camp BGen Vicente Lim, Calamba City, Laguna nito lamang Nobyembre 20, 2023.
Binigyang-diin sa aktibidad ang paglagda ng Memorandum of Agreement sa pagitan ng PRO CALABARZON, Department of Interior and Local Government Unit 4A, Department of Labor and Employment 4A, Technical and Skills Development Authority at Regional Values Life/Coach Coordinator.
Ang proyekto ay limang-araw na in-house Recovery and Wellness Program ng PRO CALABARZON na nakaangkla sa Community Engagement Aspect ng 5-Focused Agenda ng Chief, PNP at ng Establishment of Livable and Sustainable Communities ni President Ferdinand R Marcos, Jr., 8-Point Socioeconomic Agenda sa Bagong Pilipinas Campaign.
Ang tinatayang 30 kalahok na kinilala bilang Persons Who Used Drugs (PWUDs) surrenderers ay ilalagay sa National Training Center Billeting Area na matatagpuan sa loob ng kampo at sasailalim sa masugid na pisikal na ehersisyo.
Bukod dito, sila din ay sasailalim sa tatlong araw na TESDA training sa wiring at welding at pagkatapos ng limang wellness activities ay gagawaran sila ng sertipiko na nagtapos sa PNP Recovery and Wellness Program para makahanap ng matinong trabaho at ganap na maisasama sa komunidad.
“Hindi lamang na ang mga indibidwal na ito ay mabigyan ng kaalaman at mailayo sa ilegal na droga, ngunit dapat din pagtuunan ng pansin ang kanilang kalagayang pangkalusugan at pagpapabuti ng kanilang kaisipan,” mensahe ni ARD PBGen Lucas.
Source: Police Regional Office 4A
Panulat ni Police Staff Sergeant Donabel T Dulin
