Naga City – Nagsagawa ng OPLAN BES ang mga miyembro ng Police Station 2 – Naga City Police Office sa mga mag-aaral ng Educare Center 1 sa Barangay Concepcion Peqeña, Naga City nito lamang Nobyembre 17, 2023.
Ang naturang aktibidad ay pinangunahan ni PSSg Cilo sa ilalim ng pangangasiwa ni Police Major Juvy Llunar, Station Commander ng nasabing istasyon.
Nakatanggap ang mga mag-aaral ng libreng snacks na labis nilang ipinagpasalamat sa munting handog ng ating mga kapulisan.
Ang nasabing aktibidad ay alinsunod sa selebrasyon ng National Children’s Month 2023 na may temang “Ensuring the Right to Life for All”.
Ang Pambansang Pulisya ay patuloy sa pagsasagawa ng mga programa na makakatulong sa mga kabataan at pagbibigay ng mga kaalaman para matulungan, magabayan at maprotektahan ang kanilang mga karapatan at kinabukasan.
Source: Naga City Police Office
